Nilar Maksiat Ing Wulan Rajab

الخطبة الأولى

الحَمْدُ للّهِ حَمْدًا يُوَافِي نِعَمَهُ وَيُكاَفِئُ مَزِيْدَهُ، نَحْمَدُ اللّهَ الَّذِي خَلَقَ فَسَوَّى وَالَّذِي قَدَّرَ فَهَدَى، وَالَّذِي هَدَى لِنُوْرِهِ مَنْ يَشَاءُ مِنْ عِبَادِهِ، وَيَزِيدُ اللَّهُ الَّذِينَ اهْتَدَوْا هُدًى، وَالْبَاقِيَاتُ الصَّالِحَاتُ خَيْرٌ عِنْدَ رَبِّكَ ثَوَابًا وَخَيْرٌ مَرَدًّا .وَنَشْهَدُ اَنْ لاَ اِلَهَ اِلاَّ اللهُ وَحْدَهُ لاَ شَرِيْكَ لَهُ، وَنَشْهَدُ اَنَّ مُحَمَّدًا عَبْدُهُ وَرَسُوْلُهُ. وَنُصَلِّي وَنُسَلِّمُ عَلَى سَيِّدِنَا وَمَوْلانَا مُحَمَّدٍ، وَعَلَى آلِهِ وَصَحْبِهِ وَبَقِيَّةِ الصَّالِحِين، صَلاَةً وَسَلاَمًا عَدَدَ خَلْقِهِ وَمِدَادَ كَلِمَاتِهِ وَرِضَاءَ نَفْسِهِ. اَمَّا بَعْدُ

فَيَا عِبَادَ اللهِ، أُوصِينِي نَفْسِي وإِيَّاكُمْ بِتَقْوَى اللَّهِ وَأَحُثُّكُمْ عَلَى طَاعَتِه، إِتَّقُوا اللَّه، إِتَّقُوا اللَّه فَإنَّهاَ وَصِيَّةُ اللَّه، وَصَّى بِهاَ الأَوَّلِيْنَ والآخِرِينَ. وَماَ تَفْعَلُوا مِنْ خَيْرٍ يَعْلَمْهُ اللَّهُ، وَتَزَوَّدُوا، وَتَزَوَّدُوا فإنَّ خَيْرَ الزَّادِ التَّقْوَى، وَذَرُوا ظاَهِرَ الإِثْمِ وَبَاطِنَه، إِنَّ الَّذِينَ يَكْسِبُوْنَ الإثْمَ سَيُجْزَوْنَ بِمَا كَانُوا يَقْتَرِفُوْنَ. مَنْ جَآءَ بِالْحَسَنَةِ فَلَهُ عَشْرُ أَمْثَالِهَا، وَمَنْ جَآءَ بِالسَّيِّئَةِ فَلاَ يُجْزَى إلاَّ مِثْلَهَا وَهُمْ لاَ يُظْلَمُونَ. مَنْ جَاهَدَ فإِنَمَا يُجَاهِدُ لِنَفْسِهِ. إِنَّ اللَّهَ لَغَنِيٌّ عَنِ الْعَالَمِينَ. بِسْمِ اللَّهِ الرَّحْمنِ الرَّحِيم. إِنَّ عِدَّةَ الشُّهُوْرِ عِنْدَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّموَاتِ وَالأَرْضَ مِنْهَآ أَرْبَعَةٌ حُرُمٌ، ذلِكَ الدِّينُ القَيِّمُ فَلاَ تَظْلِمُوا فِيهِنَّ أَنْفُسَكُمْ وَقَاتِلُوْا الْمُشْرِكِيْنَ كَآفَّةً كَمَا يُقَاتِلُوْنَكُمْ كَآفَّةً وَاعْلَمُوْآ اَنَّ اللهَ مَعَ الْمُتَّقِيْنَ.

Para sederek kaum muslimin ingkang minulya

Mangga kita sesarengan nambahi taqwa kita dateng Allah, kanthi estu estu tansah netepi taat dateng sedaya perintah lan dawuh – dawuhipun, saha nilar lan nebihi sedaya awisanipun. Ampun ngantos kumawantun nilar kewajiban lan nglirwaaken dawuh dawuhipun Allah lan ugi ampun ngantos nerjang palang awisanipun Allah. Wonten ing kawontenan kados menapa kemawon, tansah netepana taqwa lan taat dateng Allah, supados kita tansah pikantuk Rahmat lan keanuggrahan, kebahagiaan gesang saking ngarso dalem Allah, wiwit ing alam dunya punika ngantos dumugining akhirat. Amin…

Para sederek kaum muslimin ingkang minulya,

Gilir gumantose mangsa mboten kraos sampun dumugekaken kita dateng satunggaling mangsa ingkang kalebet dateng wulan haram ingkang mulya menggahipun Allah, inggih punika wulan rajab. Kados firmanipun Allah SWT:

إِنَّ عِدَّةَ الشُّهُوْرِ عِنْدَ اللَّهِ اثْنَا عَشَرَ شَهْرًا فِي كِتَابِ اللَّهِ يَوْمَ خَلَقَ السَّموَاتِ وَالأَرْضَ مِنْهَآ أَرْبَعَةٌ حُرُمٌ، ذلِكَ الدِّينُ القَيِّمُ فَلاَ تَظْلِمُوا فِيهِنَّ أَنْفُسَكُمْ.

“Saktemene wilangan wulan ing sisine Allah yaiku rolas wulan, ing ketetepane Allah wiwit Allah nyiptaake langit lan bumi, ing antarane 4 wulan haram, iku kabeh katetepan agama kang lurus, lan ojo podo tumindak dzolim nganioyo awak nira kabeh ing 4 wulan iku”. (At-Taubah : 36)

Rasullullah SAW nyebattaken bilih sekawan wulan haram kasebat inggih punika dzulqo’dah, dzulhijah, muharrom, lan rajab kados hadis ingkang dipun riwayataken Imam Bukhori soho Imam Muslim saking sahabat Abu Bakar ra.

Dipun westani wulan haram awit kemulliyaan lan kehormatan wulan kasebat ngeluwihi wulan-wulan sanesipun sehingga wulan-wulan punika Allah haramaken peperangan, kecuali menawi kaum kafir nyerang kaum muslimin.

Babakan dhawuhipun Allah kala wau, “lan ojo podo tumindak dzolim nganioyo awakniro kabeh ing 4 wulan iku”, sebagian mufassirin jelasaken bilih ing dasaripun tumindak dzolim lan maksiat kapan kemawon lan ing papan pundi kemawon dipun lampahi ngerupekkaken dosa lan kemungkaran ingkang ageng sanget, ananging menawi Allah ngususaken panyebatan larangan tumindak dzolim ing bulan-bulan haram ingkang cacahipun sekawanipun, nedahaken bilih kedzaliman lan kemaksiatan ingkang dipun lampahi ingkang bulan-bulan haram kasebat dosanipun berlipat ganda menawi dibandingaken kaliyan wulan sanesipun.

Pramila sampun sak mestinipun wulan ingkang agung lan kalebat wulan haram punika kita muliyaken. Dene cara kita muliyaaken wulan menika antawisipun kanthi ningkataken ibadah kita lan ngatah-ngatahaken dzikir, do’a lan istighfar nyuwun pangapunten dateng Allah Ta’ala.

Ma’asyiral muslimin rahimakumullah,

Ing saklebetipun panggesangipun punika kito sampun mangertosi bilih kewajiban umat manungsa ingkang kedah dipun laksanaaken inggih punika ibadah, kita sampun mlebet dateng wulan rajab ateges bilih sampunipun rajab kita bade manggihi wulan Sya’ban lan Ramadhan wulan ingkang dipun tenggo -tenggo sedoyo umat Islam. Pramila kangge persiapan manggihi kalih wulan wau lan utaminipun kangge persiapan ngadepi maut utawi kematian, pramila kita kedah :

Kaping sepindah: Ningkataken amal ibadah kita supados tambah sae lan sempurna. Ibadah punika dipun landasi tigang perkawis, menawi  tigang perkawis punika kita wujudaken ing ndalem kita nindakaken amal, ibadah kita badhe sae. Inggih punika:

  1. Al hubb (cinta), cinta dipun barengi kaliyan rendah diri, wonten beriman iku tresna maring Allah Ta’ala. (Al-Baqoroh: 165)
  2. Khauf (raos ajrih) inggih punika dadosaken kita tunduk patuh dumateng Allah sahingga kita saget nindaaken ibadah kanthi khusyuk’.
  3. Raja’ (pangarepan), raos ajrih kedah dipun barengi dipun raos pangarep arep.

Menika tigang perkawis ingkang dados pilar utawi landasan ibadah, menawi tiga perkawis punika sampun kita wujudaken, ibadah ingkang kita tindaaken menggahi kekhusyuk’an, tentrem, ajrih lan pangarepan dumateng Allah, inggih sholat kita bade kraos enteng, tenang lan tentrem ing pikir.

Kaping kalih: Kita kedah ngatah-ngatahaken istighfar nyuwun pangapunten dateng Allah Ta’ala, sinaoso kathah lan ageng dosa lepat kita dateng Allah kita mboten kenging putus asa kedah ngagengaken roja’ kita dateng rahmatipun Allah inggih namung panyuwunan pangapunten punika ingkang langkung trep kita kunjukkaken wonten ngarsanipun Gusti Allah, agengipun dosa lepatipun kawula mboten sepinten kebanding rahmat lan maghfirohipun Allah Ta’ala meniko.

Ma’asyiral muslimin rahimakumullah,

Minongko tiyang mukmim kita tentu tansah ngadang-adang lan ngagengaken roja’. Harapan kita dateng rahmatipun Allah, jalaran inggih namung tiyang-tiyang kafir mawon ingkang putus asa mboten wonten pengajeng-ajengipun dateng rahmatipun Allah SWT. Monggo para sederek sisa-sisa umur ingkang dipun paringaken punika kita ginaaken kanti nambah kualitas ibadah kita supados sae, ngatahaken istighfar saha ngaturaken donga panyuwunan dhateng Allah SWT, langkung-langkung nyuwun kaparingan saget manggihi wulan ramadhan mbenjang.

Mugi-mugi Allah Ta’ala paring pitedah lan pitulung dateng kita, supados saget nindaaken dawuh lan perintahipun, nambahi taat lan ibadah kita ing wulan mulya Rajab punika, ugi tansah kaparingan rahmat lan maghfirah saking ngarsa dalem Allah SWT.

بَارَكَ اللهُ لِيْ وَلَكُمْ فِي اْلقُرْآنِ اْلعَظِيْمِ وَنَفَعَنِيْ وَاِيَّاكُمْ بِمَا فِيْهِ مِنَ اْلَايَاتِ وَالذِّكْرِ اْلحَكِيْمِ .اَقُوْلُ قَوْلِيْ هَذَا وَاَسْتَغْفِرُاللهَ لِيْ وَلَكُمْ وَهُوَ اْلغَفُوْرُ الرَّحِيْمُ

الخطبة الثانية

اَلْحَمْدُ للهِ عَلىَ إِحْسَانِهِ، وَالشُّكْرُ لَهُ عَلىَ تَوْفِيْقِهِ وَاِمْتِنَانِهِ. وَأَشْهَدُ أَنْ لاَ اِلَهَ إِلاَّ اللهُ وَاللهُ وَحْدَهُ لاَ شَرِيْكَ لَهُ، وَأَشْهَدُ أنَّ سَيِّدَنَا مُحَمَّدًا عَبْدُهُ وَرَسُوْلُهُ الدَّاعِى إلىَ رِضْوَانِهِ. اللهُمَّ صَلِّ عَلَى سَيِّدِنَا مُحَمَّدٍ وِعَلَى اَلِهِ وَأَصْحَابِهِ وَسَلِّمْ تَسْلِيْمًا كِثيْرًا. أَمَّا بَعْدُ

فَياَ اَيُّهَا النَّاسُ اِتَّقُوا اللهَ فِيْمَا أَمَرَ وَانْتَهُوْا عَمَّا نَهَى. وَاعْلَمُوْا أَنَّ اللهَ أَمَرَكُمْ بِأَمْرٍ بَدَأَ فِيْهِ بِنَفْسِهِ وَثَـنَى بِمَلآئِكَتِهِ بِقُدْسِهِ. قَالَ تَعاَلَى إِنَّ اللهَ وَمَلآئِكَتَهُ يُصَلُّوْنَ عَلىَ النَّبِى يآاَيُّهَا الَّذِيْنَ آمَنُوْا صَلُّوْا عَلَيْهِ وَسَلِّمُوْا تَسْلِيْمًا. اللهُمَّ صَلِّ وَسَلِّمْ عَلَى سَيِّدِنَا وَعَلَى آلِ سَيِّدِناَ مُحَمَّدٍ وَعَلَى اَنْبِيآئِكَ وَرُسُلِكَ وَمَلآئِكَةِ اْلمُقَرَّبِيْنَ وَارْضَ اللّهُمَّ عَنِ اْلخُلَفَاءِ الرَّاشِدِيْنَ أَبِى بَكْرٍ وَعُمَر وَعُثْمَان وَعَلِى وَعَنْ بَقِيَّةِ الصَّحَابَةِ وَالتَّابِعِيْنَ وَتَابِعِي التَّابِعِيْنَ لَهُمْ بِاِحْسَانٍ اِلَى يَوْمِ الدِّيْنِ وَارْضَ عَنَّا مَعَهُمْ بِرَحْمَتِكَ يَا أَرْحَمَ الرَّاحِمِيْنَ

اَللهُمَّ اغْفِرْ لِلْمُؤْمِنِيْنَ وَاْلمُؤْمِنَاتِ وَاْلمُسْلِمِيْنَ وَاْلمُسْلِمَاتِ اَلاَحْيآءِ مِنْهُمْ وَاْلاَمْوَاتِ. اللهُمَّ أَعِزَّ اْلإِسْلاَمَ وَاْلمُسْلِمِيْنَ وَأَذِلَّ الشِّرْكَ وَاْلمُشْرِكِيْنَ وَانْصُرْ عِبَادَكَ اْلمُوَحِّدِيَّةَ وَانْصُرْ مَنْ نَصَرَ الدِّيْنَ وَاخْذُلْ مَنْ خَذَلَ اْلمُسْلِمِيْنَ وَ دَمِّرْ أَعْدَاءَ الدِّيْنِ وَاعْلِ كَلِمَاتِكَ إِلَى يَوْمَ الدِّيْنِ. اللهُمَّ ادْفَعْ عَنَّا اْلبَلاَءَ وَاْلوَبَاءَ وَالزَّلاَزِلَ وَاْلمِحَنَ وَسُوْءَ اْلفِتْنَةِ وَاْلمِحَنَ مَا ظَهَرَ مِنْهَا وَمَا بَطَنَ عَنْ بَلَدِنَا اِنْدُونِيْسِيَّا خآصَّةً وَسَائِرِ اْلبُلْدَانِ اْلمُسْلِمِيْنَ عآمَّةً يَا رَبَّ اْلعَالَمِيْنَ. رَبَّنَا آتِناَ فِى الدُّنْيَا حَسَنَةً وَفِى اْلآخِرَةِ حَسَنَةً وَقِنَا عَذَابَ النَّارِ. رَبَّنَا ظَلَمْنَا اَنْفُسَنَا وَاإنْ لَمْ تَغْفِرْ لَنَا وَتَرْحَمْنَا لَنَكُوْنَنَّ مِنَ اْلخَاسِرِيْنَ

عِبَادَاللهِ! إِنَّ اللهَ يَأْمُرُ بِاْلعَدْلِ وَاْلإِحْسَانِ وَإِيْتآءِ ذِي اْلقُرْبىَ وَيَنْهَى عَنِ اْلفَحْشآءِ وَاْلمُنْكَرِ وَاْلبَغْي يَعِظُكُمْ لَعَلَّكُمْ تَذَكَّرُوْنَ وَاذْكُرُوا اللهَ اْلعَظِيْمَ يَذْكُرْكُمْ وَاشْكُرُوْهُ عَلىَ نِعَمِهِ يَزِدْكُمْ وَلَذِكْرُ اللهِ أَكْبَرْ

Disusun Oleh: Drs. KH. Suparman Abdul Manan, M.Si (Mustasyar PCNU Gunungkidul)

Leave a Reply

Your email address will not be published.

Pin It on Pinterest